Pa De la Vega'l tema de les llingües n'educación yá ta resueltu

La vicepresidenta primera dixo que la llingua ye un tema yá resueltu y pidió consensu pa salvar les torgues que n'ocasiones nun dexen que los alcuerdos avancen.

Mientres la so comparecencia nel Conseyu de Ministros nel marcu del Pactu Social y Políticu pola Educación, esclarió que "la cuestión llingüística queda reflexada na nuesa Constitución, na Xurisprudencia y na normativa vixente". Nesti sen, De la Vega recordó que "l'Executivu garantiza'l drechu de tolos ciudadanos a espresase na diversidá de llingües que reconoz el testu constitucional, por ser un elementu fundamental pal entendimientu".

Al so xuiciu, el nuevu testu de propuestes que'l ministru d'Educación, Ángel Gabilondo, presentó ayeri a los conseyeros autonómicos na Conferencia Sectorial del ramu ye "un bon puntu de partida sobre'l qu'empezar a trabayar pa meyorar el sistema educativu español".
  
"Nun ye un brinde al sol, ye un documentu con conteníu que recueye los informes d'espertos y les aportaciones de los axentes sociales y les comunidaes autónomes", señaló. Asina, "aseguró que'l Gobiernu ye positivu cola posibilidá de llegar a un acuerdu si tolos implicaos trabayen por topar un denominador común más ampliu".