La Xunta Xeneral aprobó la candidatura d'IU-BA-Verdes pa cubrir la vacante nel Conseyu de Patrimoniu Cultural, cola que Pepe El Ferreiro, va ser el representante d'esti grupu.

El creador y hasta'l so cese direutor del Muséu Etnográficu de Grandas de Salime va sustituyir asina a Mari Paz López, llicenciada en Xeografía y Hestoria, que presentó la so renuncia a ser miembru del Conseyu del Patrimoniu Cultural d'Asturies, como vocal de la Xunta Xeneral del Principáu, a designación d'IX-BA-Verdes.
  
La votación prodúxose ensin debate previu y cola peculiaridá de que al ser una candidatura d'ún de los grupos pa la so representación nel Conseyu, solo podía votase a Pepe El Ferreiro o en blancu. D'esta manera, salió aprobada colos 19 votos a favor y 18 votos en blancu.
  
Amás, el plenu aprobó una declaración institucional de pesar pola muerte de la madre del diputáu del Grupu Parlamentariu Popular José Agustín Cuervas-Mons na tarde d'ayeri, mientres se celebraba'l plenu.