Ecoloxistes reprocha a la FSA-PSOE que "pase de lo acordao na Xunta" sobre la incineradora

La Coordinadora Ecoloxista d'Asturies reprochó güei a la Federación Socialista Asturiana (FSA-PSOE) la so pretensión de siguir alantre cola incineradora de Serín. Pa los ecoloxistes, la FSA "pasa hasta de lo acordao na Xunta Xeneral, onde hai un mandatu espresu que marca la necesidá d'analizar toles alternatives posibles a la incineradora y desarrollar aiciones de reciclaxe n'Asturies".

Nel escritu, la Coordinadora recuerda que na rexón les tases de reciclaxe son "ridícules" y recordó que'l "emperramientu na incineradora" ye contrariu a lo que tán diciendo dirixentes del PSOE en Madrid, Guadalaxara, Valencia o Tenerife que caltienen que "la incineración ye la peor solución pa la xestión de la fraición restu".

Pa los ecoloxistes, a la FSA "nun-y preocupa que seyamos la comunidá d'España que tenga la peor calidá del aire, que seyamos la comnidá cola mayor proporción d'enfermedaes por causes ambientales, qu'encabecemos la llista d'emisiones de CO2 por habitantes y que sufre la mayor tasa de cáncer por razones ambientales".

Los ecoloxistes piensen qu'apostar pola eficacia de la recoyida selectiva, amenorgar la producción de residuos innecessarios y producir col restu d'enerxía y compós de calidá con metanización, ente otros.