"Vencíu" y "Sin cobertura" ganen el Festival de Cine Asturianu

Los curtiumetraxes “Vencíu”, de Santos Hevia y “Sin cobertura” d'Iñaki Ibisate, resultaron ser les obres ganadores del 6u Festival de Cine Asturianu, que finó ayeri nel Filarmónica.

"Vencíu" foi escoyíu na categoría de Meyor Curtiumetraxe n'asturianu, mientres que "Sin Cobertura" foi'l meyor curtíu en castellán. Como Meyor Película, el premiu foi pa "Cenizas del cielo", del realizador José Antonio Quirós, un llargometraxe sobre los problemes de contaminación d'una central térmica asturiana, que tamién llevó los premios al Meyor Guión, direición y actores, que recayeron nos sos protagonistes, Celso Bugallo y Clara Segura.

El premiu d'Honor del festival, Juan José Otegui, repasó nel escenariu del Teatru Filarmónica d’Uviéu la so trayectoria nel mundu del cine entregando los premios principales del festival, nuna gala presentada por Pepa Martínez, de la compañía Teatru de Güeñu, na que tamién actuó DiCarlo y los Ballets Baidán.