IU va pidir al Gobiernu proteición pa la Pena Castro d’Ayer

IU va presentar una moción d’urxencia na la Xunta Xeneral, pa esixir al Conceyu de Gobiernu que protexa la Pena Castro (Ayer), amenazada pola ampliación d’una cantera.

Canteres El Reguerón, en Peḷḷuno, entamó la tramitación ambiental pa una nueva concesión p'ampliar la so esplotación. Según señalen dende IU, “la esplotación yá afeutó a parte d’esta peña y l’ampliación va siguir comiéndola".
 
En 2008 la Xunta Xeneral afaló al Conseyu de Gobiernu a declarar la Pena Castro monumentu natural. Pero IU camienta que “nun se movió un deu pa cumplir la resolución”.
 
Pa la organización, esta desproteición ye de manera delliberada pa permitir futures ampliaciones, “como la d’anguaño”. Afirmen que los intereses de la FSA, tán más n’actividaes como les de Canteres El Reguerón que na proteición de llugares d’interés xeneral, “como la Pena Castro, qu’axunta toles condiciones pa convertise en monumentu natural”.
 
Poro, IU va presentar una moción d’urxencia nel plenu de mañana xueves, p’asina esixir al Conceyu de Gobiernu la proteición d’esti monte nos términos aprobaos nel parllamentu.