Asturies será en 2012 la sede del festival européu Liet International

|

En 2012, Asturies será la sede oficial del Festival Européu de la Canción en Llingües Minoritaries, convirtiéndose’l nuesu país na primer comunidá llingüística del Estáu qu’organiza la cita.

La Direutora Xeneral de Política Llingüística, Consuelo Vega Díaz, aconceyóse’l pasáu llunes col coordinador de la Fundación Liet International, Onno Falkena, p’abordar les posibilidaes de collaboración col Festival Européu de la Canción en Llingües Minoritaries.
 
Colo que Principáu y Fundación Liet, con sede nos Países Baxos, roblaron un alcuerdu que tien un periodu de tres años susceptible de renovación. Asina, Asturies será la sede del Liet International na seronda de 2012, siendo’l nuesu país la primer comunidá llingüística del Estáu encargada d’organizar el festival.
 
Col alcuerdu, Asturies conviértese en sociu estratéxicu del Festival, garantizando la participación d’un representante del país, collaborando’l Principáu coles actividaes de la Fundación, “con unos oxetivos que comparte”, indiquen dende la Conseyería. Amás, afiten el compromisu de cuntar cola Fundación nel Premiu al Meyor Cantar, clasificatoriu oficial pal Liet International.
 
El coordinador de la Fundación, Onno Falkena, y el productor Jan Gaastra, vinieron Asturies p’asistir a la Gala del Premiu al Meyor Cantar, celebrada en Mieres el pasáu día 20, y pudieron conocer de primera mano la situación y la vitalidá de la música asturiana.
 
Les próximes ediciones del Festival de la Canción en Llingües Minoritaries van ser el 20 de payares d’este añu n’Inverness (Escocia); y en 2011, n’Udine (Friul, Italia).
 

Comentarios

Ye per bona noticia!!!

Con esti llaváu de cara ente europa quedrán acallar les voces crítiques que se llavantaren contra él en tol continente. El gobiernu d'Areces se supera cada día más, col festival va poder arrequexar a toles llingües minorizaes al empar. Norabona señor Areces....

A ver si se presenta John Cobra.

Contador Estadistiques