Radio Sele vuelve a les ondes con programación en direuto

Dende ayeri domingu 21, Radio Sele ta emitiendo de nuevu con programación en direuto na frecuencia modulada dende’l 106.1. Esti mes cúmplense 24 años d’asturianu nes ondes.

 Foi n’abril de 2009 cuando la emisora camudó de local, con nuevos estudios y otra ubicación del centru emisor. Amás, prohibiéron-yos usar l’enllaz que vía radio usen les demás emisores, poro, tuvieron que buscar otru sistema d’emisión y tuvieron hasta ayeri, nueves meses en total, con una programación musical, con esceiciones como la tresmisión del pasáu Liet International, que tuvo qu’emitise namás per Internet.
 
Dende Radio Sele, aprovechen que yá tai iguáu too p’asina festexar el so 24 aniversariu, entamando esta tarde a les 18.30 hores, con un especial del programa “En forma sacabera”, dedicáu a la gala del Premiu al Meyor Cantar.