Yá hai nominaos a los Premios AMAS

Yá se conocen los nominaos a los Premios AMAS 2010. Ente ellos, una importante presencia de la música asturiana qu’utiliza como llingua vehicular l’idioma del país.

Ente los nominaos al mayor cantar folc/tradicional tán "Adelaida" de Brandal, "A mio morena" de Cádaba, "Letavía" de Spanta la Xente y "Les alpargates de mio güela" de Mapi Quintana. Mientres qu’al meyor discu del mesmu xéneru, tán nominaos "Diez cantares de Bob Dylan n´asturianu" de Toli Morilla, "El sonar de les semeyes" de Mapi Quintana, "Tierra" de Xera y "Al pie del Cuera" de Celestino Rozada.
 
N’otros instrumentos tán seleccionaos Iria Rodríguez de Xera, Héctor Braga, Jaime Díaz de Muñeco Vudú y Diego Purón de la Banda de Gaites de Villaviciosa. Mientres que na categoría de nuevos valores de la gaita tán nominaos Martín Poladura, Marco Antonio Guardado, Óscar Fernández y Álvaro García.
 
El grupu Dixebra, ta nomináu nes categoríes de meyor discu rock y a meyor portada y diseñu, categoría na que ta tamién "Diez cantares de Bob Dylan n´asturianu". Mientres qu’Alfredo González, ganador l’añu pasáu nel Premiu al Mayor Cantar y representante d’Asturies nel Liet International, ta nomináu como meyor teclista y cantar d’otres escenes por “La nada y tu”, videoclip tamién nomináu al meyor de 2009.
 
Na categoría de voz tamién ta Rebeca Velasco de Lafu & Rebeca, na de meyor direuto’l grupu Xera. Mientres que Spanta la Xente lo tán na de grupu revelación y "VII Ad limitum" de Los Berrones na de discu d’otres escenes.
 
Tol mundu pue votar yá na páxina www.premiosamas.com a los nominaos. La gala d'entrega de los premios de la Música Asturiana será nel teatru Filarmónica d’Uviéu’l vienres 5 de marzu.