Aralar piensa que'l Gobiernu vascu tapez parte de la realidá social

El vicecoordinador d'Aralar, Jon Abril, dixo que cuando la vocera del Gobiernu vascu, Idoia Mendia, afirma que'l drechu a decidir nun ta nel alderique social ta tapeciendo parte de la realidá.

Nuna entrevista concedida a Radio Euskadi, Jon Abril dixo que l'afirmación de Media "nun ye verdá" y precisó que'l derechu a decidir onde nun ta ye "na axenda política d'esti gobiernu socialista".
 
Al so xuiciu, l'anterior llexislatura dexó n'evidencia qu'una mayoría social y política d'esti país quier poder decidir el so futuru llibremente. "Nun hai un exerciciu más democráticu qu'ési y nun entiendo por qué tanto'l Partíu Socialista como'l PP tienen tanto mieu a que la ciudadanía puea opinar qué tipu de relación quier caltener col Estáu español, si queremos caltener l'actual mapa políticu cola actual capacidá autonómica o queremos dir más p'allá cola posibilidá d'exercer esi derechu d'autodetermín", añadió.
  
El dirixente d'Aralar manifestó que "cuando la vocera del Gobiernu vascu diz esto ta queriendo tapecer parte de la realidá social, igual que lo faen con munchos temes nos qu'ellos nun tán d'acuerdu".
  
En considerando lexítimo que'l Gobiernu vascu defenda un modelu, Abril dixo que cuando un partíu que se supón ye d'izquierdes asítiase en contra d'un derechu tan fundamental como'l derechu a decidir per parte de la ciudadanía sobre qué futuru quier pal so pueblu, cuesta entendelo, y más cuando vemos les entrugues que se facíen naquella Llei de Consulta, una d'elles bien dirixida al tema de la pacificación y la otra a la normalización política".
  
Pal vicecoordinador d'Aralar, nel tema del derechu a decidir, el Gobiernu vascu "ta tamién mui alloñáu de lo que ye la realidá social".
  
No referente a la posibilidá de qu'Aralar puea llegar a acuerdos col Gobiernu de López, Jon Abril señaló qu'el so partíu, dende'l primer momentu, mostrló la so voluntá pa llegar a acuerdos y, "ello ye qu'hubo delles cuestiones nes que lleguemos", como la iniciativa de reconocencia al restu de víctimes de motivación política.
  
Según aseguró, en materia social podría haber acuerdos, pero llamentó que'l "Partíu Socialista ta dando prioridá a les sos relaciones col PP y eso enzanca, ensin nenguna duda, el poder llegar a acuerdos con Aralar". "Hubo marxe pal acuerdu, y pue habelo más de cara al futuru, pero siempre y cuando'l PSE nun caiga costantemente en manes del PP", añadió.