El Procurador encamienta a la Xunta que regule por llei la llingua

El Procurador de lo Común de Castiella y Lleón, Javier Amoedo Conde, pidió a la Xunta de Castiella y Lleón que regule por llei la proteición y l’usu del lleonés, como recueye l’Estatutu.

La solicitú d’Amoedo Conde vien depués de que’l coleutivu Furmientu presentara en marzu de 2009 una quexa pol incumplimientu del artículu 5.2 del Estatutu. Un testu que dende la modificación de 2007, esclaria que’l lleonés tien de ser oxetu de proteición.

Amoedo Conde reconoz que se tomaron dalgunes midíes dende l’Alministración autonómica en favor de la llingua, falando del so enseñu extraescolar o los congresos sobre l'idioma. Sicasí, califícalos d’insuficientes.

El Procurador quier que como reconoz l’Estatutu, impulsen dende’l Gobiernu castellano-lleonés una iniciativa llexislativa que regule l’usu y proteición del asturianu. Asina, Amoedo dirixóse a la Conseyería d’Educación y a la de Cultura pa que s’encarguen de desendolcar l’artículu 5.2, depués de más de dos años ensin facelo.