UNA quier midíes pa evitar el deterioru de La Foncalada

Unidá Nacionalista Asturiana amosó la so esmolición polos planes del Ayuntamientu d'Uvieu y de la Conseyería de Cultura na redolada de la Fonte de Foncalada.

Unidá Nacionalista Asturiana quier destacar la importancia del caltenimientu y meyora de la Fonte de Foncalada, “yá que ye un monumentu declaráu Padremuñu de la Humanidá pola UNESCO, lo que tuviera de ser motivu suficiente pa nun plantegar usos partidistes del mesmu”.
 
UNA-Uviéu esixe a la Conseyería de Cultura ponga en práctica midíes pa convertir la Fonte de Foncalada, asina como los demás monumentos del Arte Asturianu, n'activos pa la cultura y l'economía asturiana y nun lu convertir nún axente más d'especulación urbanística.
 
La organización pide a la Conseyera de Cultura Mercedes Álvarez que tome midíes pa evitar el deterioru de la Fonte de Foncalada y dexe d'usar el monumentu “como ariete de batalla contra l'Ayuntamientu d'Uviéu”.