Israel reconoz qu'asentamientos en Cixordania violen la llegalidá

El viceministru de Defensa d'Israel, Matan Vilnai, almitió qu'hasta 29 asentamientos en Cixordania violaron la moratoria de construcción, polo qu'alvirtió de demoliciones.

El Gobiernu d'Israel diera orde de conxelar les nueves construcciones mientres diez meses, pero'l presidente del partíu Meretz, Haim Orom, preguntó específicamente al Executivu d'Ehud Olmert al traviés d'una fórmula parlamentaria alrodiu de presuntes violaciones de la moratoria. La respuesta llegó per escrito, y anque ta fechada'l pasáu día 26 de xineru, Paz Agora nun tuvo accesu a ella hasta va unos díes.
  
Al traviés d'esta misiva, el viceministru de Defensa comprometióse a resolver la situación y añadió que l'Executivu dio orde d'entamar les aiciones de seguridá oportunes. Ente elles figura la entrega d'ordes de derribu y otres midíes superiores que nun s'especificaron, según el diariu Jerusalem Post.
  
Anque l'Executivu namás reconoció irregularidaes en 29 asentamientos, la ONG Paz Agora alzó a 33 los casos sospechosos. La organización exhibe vídeos al traviés d'Internet nos que se muestra actividá supuestamente illegal.