Marruecos y el Frente Polisariu invariables tres dos díes d'alderiques

|

Tanto'l Gobiernu marroquín como'l Frente Polisariu caltuvieron invariables les sos posiciones sobre'l  Sáḥara Occidental nos dos díes trescurríos dende la continuación de los alderiques.  

Sicasí, según informó'l mediador de Naciones Xuníes, Christopher Ross, la primer toma de contactu diose nun contestu de compromisu, franqueza y respetu mutuu. Les propuestes de les dos partes fueron presentaes y aldericaes otra vuelta. A lo último de los alcuentros, "nenguna parte aceptare la propuesta de la otra como única base de futures negociaciones", afirmó'l diplomáticu énte la prensa en Nueva York.
  
Rabat y el Frente Polisariu alcordaron retomar estes negociaciones cuanto antes, depués de que Ross viaxare a Marruecos pa consultar sobre'l terrén a les dos partes y a otros actores rexonales afectaos pola situación de la ex colonia española.
  
Les autoridaes de Marruecos, que tienen el control sobre'l Sáḥara Occidental dende 1975, punxeron sobre la mesa una ufierta d'autonomía. El Polisariu, pide la celebración d'un referéndu que plantegue como opción la independencia.

Contador Estadistiques