Central Llechera foi la única marca llechera que creció nel 2009

El direutor xeneeral de Capsa, José Armando Tellado, esplicó que "dientro del consumu de lleche, Central Llechera  acabó l'añu encabezando el ranking, con una cuota de mercáu del 14".

Central Llechera Asturiana confirmó'l so lideralgu en tres categoríes esenciales del sector llecheru como son lleche, nata y manteca Según informó la compañía en cuanto a nates, Central Llechera Asturiana algama un 12,7% de la cuota de mercáu; siguida por President, con 4,5%; y Pascual, con un 3,1%. Sobre la manteca, el porcentaxe asitióse nun 11,7%, lo que la confirma como la marca líder, superando a Arias, con un 8,5% y a President, con un 5,7%.
  
Armando Tellado xustificó estos datos esplicando que "a lo llargo del 2009 la compañía axustó la so propuesta de valor, reduciendo'l preciu y meyorando asina la competitividá de la ufierta, lo que-yos permitió algamar crecimientos en ventes nel segundu semestre penriba del 10%, confirmando asina la posición de lideralgu".
  
Amás, el direutor xeneral de Capsa adelantó que'l 2009 presenta un balance mui positivu pa la compañía, porque algamó crecimientos sobre'l 2008, meyorando les cuotes en tolos segmentos colos que trabayen nel mercáu. "Nel casu de lleche llíquido acabamos con una cuota que ta sobre dos puntos penriba del mesmu periodu del añu anterior", dixo.