La población llectora asitióse n'Asturies nun 52,9%

La población llectora mayor de 14 años asitióse l'añu pasáu nun 52,9%,  más de dos puntos perbaxo del 55% estatal, según el Barómetru de la Federación d'Editores (FGEE).

Por comunidaes autónomes, Madrid caltiénse como la Comunidá con población más llectora (64,4%) y supera en casi diez puntos la media nacional, mientres que Castiella La Mancha (50,5%), Andalucía (50,2%) y Estremadura (49,4%) zarren la parte baxa de la tabla.
  
Otres ocho Comunidaes nun llogren algamar en cambiu l'índiz de llectura mediu. Amás de les mentaes (Castilla-La Mancha, Andalucía y Extremadura), trátase de Castiella y Lleón (55,0%), Galicia (54,9%), Comunidá Valenciana (54,6%), Murcia (54,3%) y Asturies (52,9%).
  
Sobre les obres preferíes, 'El niño con el pijama de rayas', de John Boyne, foi'l llibru más lleíu nel 2009, mientres que Stieg Larsson lidera la clasificación por autor mas leíu y mercáu.
  
El barómetru tamién revela que, a nivel estatal, un 55,6% de los entrevistaos mercaron llibros nel últimu añu, y d'ellos, un 40,4% mercó llibros non de testu, mientres qu'un 31,7% mercó algún llibru de testu. De la mesma manera, el númberu mediu de llibros mercaos n'España nel 2009 foi de 10,5 llibros por persona, colo que se caltién la tendencia de los últimos trés años.
  
El barómetru tamién s'entiende que la tasa de llectores de llibros n'España asitióse nel 55% de la población mayor de 14 años nel 2009, de los qu'el 41,3% asegura lleer llibros diaria o selmanalmente, son los llamaos llectores frecuentes, y otru 13,7% son los denomaos llectores ocasionales, que declaren lleer dalguna vez al mes o al trimestre. Hai que destacar sobre otros años l'aumentu de llectores ente los paraos.