Fin de selmana de teatru y música

Asturies.com ufre a los llectores una esbilla de les actividaes d’ociu de la nuestra axenda pal fin de selmana, destacando’l teatru n’asturianu y la música en direutu.

Güei a les 19:00 hores, nel Teatru Municipal de Samartín del Rei Aurelio en L’Entregu, el Grupo de Teatru Refaxu de Blimea pondrá n’escena la obra “El Santu” del autor entreguín Pablo Rodríguez Medina. El Santu ye una pieza de teatru onde nun pueblu tán preparándose pa la llegada de los restos d’un santu que va facer que too cambie. Mientres qu’a les 20:15 nel Teatru Nuevu de La Felguera, sigue’l teatru constumbrista col grupu “Teatru Carbayín” pon n’escena la obra de José Ramón Oliva Alonso.
 
Tamién güei, a les 22:00 na capital asturiana Willy Naves ufre na uvieina Sala iPop un conciertu, onde fairá amuesa de los sos sos temes propios preséntense nun direuto que se promete con guitarres, fuerza y actitú. Namás finar, vendrá’l turnu de Bueno, o lo que ye lo mesmo, Javier Vaillina, presenta "9 canciones minúsculas, un huracán y un millón de lunares". Versos en clave pop cantaos dende l'estómagu, con melodíes que te tresporten a un tiempu onde la guitarra y la batería yeren too.
 
Mientres qu’el domingu, a les 20:00 nel Teatru de L’Entregu, el músicu brasileñu asitiáu n'Asturies Vaudí, ofrez un conciertu con repertoriu dedicáu al so compatriota Roberto Carlos. Con arreglos de bossa nova, samba, baiao y funk interpretará cantares como Lady Laura, Un millón d'amigos, Les ballenes o El gatu triste y azul.