Vezos Astures entamen una esposición sobre les mazcares

|

El Conceyu de Cultura Tradicional Vezos Astures entama una esposición sobre les mazcaraes n’Asturies que s’abrirá'l día seis de febreru nel Muséu Etnográficu del Oriente d’Asturies.

Con esta esposición nel muséu de Porrúa, plásmase’l trabayu fechu na recuperación de los traxes, de los que talamente d’ellos se tien información pero amás, quier dase una visión xeneral del fenómenu de les mazcaraes n’Asturies.
 
Vezos Astures tien l’andecha nesta esposición de l'asociación el Cencerru de Valdesoto y de l'Asociación Etnográfica Cultural Zamarrones de Ḷḷena que cedieron dellos traxes, un sidru de 1953 y un zamarrón.
 
Esta collaboración ufierta al públicu xeneral, una amuesa de los traxes que percorrieron los pueblos asturianos ente fin d’añu y antroxu y qu’entá se siguen faciendo en Valdesoto, Tormaleo, Fonteta o San Xuan de Beleño, calteniendo la tradición viva pa les próximes xeneraciones.

Contador Estadistiques