Javier Fernández, ¿sustitutu d'Areces?
|
5 Febreru, 2010 por E.P. / Redacción
- Inicie sesión o rexístrese pa espublizar comentarios
El Secretariu d'Organización de la FSA, Jesús Gutiérrez, dixo que'l Secretariu Xeneral, Javier Fernández, yá decidió sobre la so posible candidatura a la presidencia del Principáu .
"La decisión que vaya tomar nun futuru tomóla yá nel pasáu", señaló Gutiérrez a entrugues de los periodistes sobre un tema que lleva munchu tiempu sobre la mesa.
Según el secretariu d'Organización de los socialistes asturianos, el so cabezaleru "tomó una decisión" que "se comunicó a la comisión executiva federal", anque dexó claro que'l sen de la mesma daráse a conocer nel momentu más oportunu y con respetu a los órganos del partíu".
Jesús Gutiérrez dexó claro, sicasí, qu'a nivel personal tien poques dudes sobre la futura candidatura del PSOE. "Jesús Gutiérrez tien claro quién va ser el próximu referente pa los socialistes asturianos nos próximos años", esplicó, anque evitó dar el nome de la so apuesta.
El Secretariu d'Organización de la FSA calcó especialmente en que tovía nun ye'l momentu de tratar l'asuntu de les candidatures, anque apostó por "dir espeyando incógnites", como la de que dalgunes "decisiones qu'haya qu'esplicar nel futuru hai meses que tán tomaes".
Efrén d'Andrés
Comentarios
Y a qué espera l'asturianismu-nacionalismu a face-y frente? Seguirán los partidinos-partiducos engarranos nel sexu los ánxeles mientes esti puntu sal escoyíu como presidente y mos estingue yá dafechu?
Esti ye más sanguinariu y radical que'l fartón un cachu. Pero un cachu, oyisti. Como nun s'axunte'l nacionalismu tamos sentenciaos. Y la culpa va ser namái nuesa.
A Fernadez seria meyor mandalu pa acarrar pedres al llonbu ,que esi ye un llobu contra tou lo asturianu. Pa min esi señor nada tien d'asturianu ,solu quier xantar del duernu,apoyau por los otros de PSA ,que tan acomplexaos y llenos d'inorancia ..empepinaos en seguir imponiendonos la castellinizacion,como en los piores tiempos del facismu!!
Los partios nacionalistes cadun tira pal so llau ,truñando unos con lo otros..Asina non se dira a dayuri,sin xuntanza y facer un frente comun ,non hai que facer. Cuando se din de cuenta sera tardi,
Asturies ya non sera Asturies!!
Home, yo creo que podemos incluso sacar dalgo positivo. Tol mundu conoz el "talante" d'esti personaxe y nun trairá sorpreses pal asturianismu. Yo creo que la nuesa xente lluchará escontra el réximen ensin concesiones. Cuando entró Areces había xente inocente que-y prestó la situación, enfotada, según ellos, en la personalidá de Tini, que si yera un paisanu, que si ye un home llanu, etc. Hubo xente que se lo creyó. Prefiero una FSA ensin mazcares que un llobu con piel de corderu.