El Bloque recuerda-y a Areces que tán nel gobiernu y son nacionalistes

|

El Bloque dixo qu’Areces desconoz quien forma’l Gobiernu, "porque'l Bloque ye nacionalista", y eso amuesa una “necesidá imperiosa” del so relevu al frente del Executivu.

La reacción del Bloque vien poles pallabres del presidente del Principáu, el pasáu martes dos de febreru nel Forum Nueva Economía de Madrid, onde afirmó que n’Asturies el nacionalismu nun tien futuru y ye una espresión minoritaria, que “nun va tener nenguna espresión significativa na política asturiana”.
 
Según el voceru del Bloque por Asturies, Pablo Fernández, “Areces desconoz les fuercies que componen el so Gobiernu, porque’l Bloque ye un partíu nacionalista”. Anque señaló que too pue ser por mor d’un “cinismu marca de la casa”.
 
Sicasí, Fernández esplicó que’l nacionalismu si tien futuru n’Asturies, faciendo un repás pela representación de la so organización nel Gobiernu, nos ayuntamientos o nel Paramentu, yá que precisamente güei Roberto Colunga toma posesión del acta como diputáu. Representaciones, que dixo “provienen del sofitu de la sociedá y abren unes espeutatives de futuru pa la formación d’un nuevu espaciu qu’asitie Asturies nel llugar que merez”.

Comentarios

Que fixo'l  Bloque xuntu a IU  fin agora nel gobiernu ?,Pocu o nada.A toes les coses dixo amen,y Areces cuando-y dio la gana  dexelos de llau ,faciendo pautos con el PP.
Pensando que tienen la llave pa munches coses ...nada  se nota .Onde  ta'l tinte nacionalista???Que se fixo pola LLINGUA nada!!!Porque nun falen  n'asturianu nel Parlamentu??ye que non saben!!
Munches  se podin facer ,pero hai que lluchar por elles ,y non lo facen!!

El Bloque dixo qu’Areces desconoz quien forma’l Gobiernu, "porque'l Bloque ye nacionalista", y eso amuesa una “necesidá imperiosa” del so relevu al frente del Executivu.
Vamos contar mentiiiirasss, vamos contar mentiirrasss, vamos contar mentiras trala lá...
Esta xente a ou quier dir asina ho??? Nacionalistas ya l'asturianu ensin oficializar??? Nacionalistas de que? Pautandu la incineradora, firmando los presupuestos pal Muselon???
Cualquier partiu nacionalista-asturianista nun taría nun gobiernu que'estroza d'esta manera Asturias, nun convertiría al CAO nel so arma política, nun callaría como afogaus nel gobiernu mientras l'asturianu vei perdiendose con cada vieyu que muerre...
Pero que cara mas dura tienen ho.......

Son "poltronistes", ello ye, los puestinos, les perres y les sovenciones pa viaxar pel mundu.

Fai ya unes selmanes nel programa Asturies en 25 de la Teletini entrugaron-y a un de los concursantes quien yera'l presidente d'Euskadi, el rapaz dixo que nun lo sabía y la presentadora, que debe ser prima de Javi o d'"Arese", llamo-y l'atención pol fechu "de nun saber algo tan importante" como foi el que ganara Patxi López "una victoria histórica sobre'l nacionalismu na que por fin fuimos a echalos", españolismu hasta nos concursos.

Contador Estadistiques