Los empresarios asturianos insisten en que les cuentes nun tienen carácter inversor abondo

La Federación Asturiana d'Empresarios Asturianos (FADE), volvió a calcar en que güei l'esfuerzu per parte del Gobiernu de cara a los Presupuestos Rexonales del 2009 debería ser mayor "ante'l retrocesu sufríu nesi exerciciu pola prollongación presupuestaria y ante la complicada situación económica actual".

Los empresarios replicaron asina les declaraciones d'ayeri d'Ana Rosa Migoya, que dixo que'l proyeutu yera inversor abondo, y señalaron que'l propiu informe del Conseyu Económicu y Social (CES), aprobáu por unanimidá nel conceyu del plenu celebráu'l pasáu día 15, se reconoz la "escasa inversión".

FADE recordó asina que los capítulos d'inversión nel presupuestu de l'Alministración del Principáu d'Asturies (1.083 millones d'euros) suponen el 24,6% del total del suipuestu pal 2009. Frente a esto, el gastu corriente algama'l 73,2% (3.215 millones d'euros).

"Consideramos qu'esta distribución del gastu ye clara como pa facer una llamada d'atención sobre'l pesu del gastu corriente nel presupuestu rexonal, que supón un enormo componente estructural que llenda drásticamente'l marxe de maniobra en política presupuestaria", afirmaron los empresarios, que consideren necesario un mayor esfuerzu de contención nesti tipu de gastu que llibere recursos pa executar les actuaciones necesaries pa enfrentase a l'actual situación econonómica".

Señalaron que la inversión crez, en rellación al exercciu anterior, un 8,3% y non nel 13% qu'ayeri dixo la vocera del Gobiernu. "Lo que crez el 13,4% ye'l capítulu de producción de bienes públicos de carácter económicu, Capítulu 5, non la inversión total del mesmu", esclariaron.

Añadieron que si se toma como referencia'l presupuestu anterior, un 8,3%, y non nel 13% qu'ayeri dixo la vocera del Gobiernu. "Lo que crez el 13,4% ye'l capítulu de Producción de bienes públicos de carácter conómicu, Capítulu 5, non la inversión total del mesmu", esclariaron.

Añadieron que si se toma como referencia'l presupuestu del 2007, la inversión pasó de suponer el 25,9% del presupuestu entós al 24,6% actual. "Ye dicir, nel 2009, añu nel que la crisis económica más efeutos va tener na nuesa rexón, nun vamos recuperar nin siquier el pesu de la inversión previa a la prollongación", llamentaron.

Frente a esa evolución de la inversión, FADE dixo que'l gastu corriente creció un 8,8% cola prollongación del 2008, acumulando ente'l 2007 y el 2009 una subida del 16,8%, mui superior al crecimientu total del Presupuestu y pasando de suponer el 70,6% del total del presupuestu nel 2007, al 73,2% nel proyeutu pal 2009. Ye dicir, en rellación al presupuestu del 2007, pal 2009 s'acumula un crecimientu nominal del presupuestu del 12,7% nel que'l gastu corriente crez un 16,8%, mientres que'l de capital (ye dicir, la inversión) lo fizo un 7,3%.

A lo último, los empresarios recordaron que l'informe del CES encamienta al Principáu a qu'incremente les polítiques d'austeridá buscando la mayor eficacia y eficiencia na xestión de les operaciones corrientes de l'Alministración Pública, siempre qu'ello nun supunga una reducción de la calidá de la prestación de servicios públicos.