El Comité Anti-Sida pide a Salú a crear n'Asturies la 'reparación facial' pa los seropositivos con lipoatrofia

|

El Comité Ciudadanu Anti-Sida d'Asturies pide a la Conseyería de Salú y Servicios Sanitarios del Principáu qu'entame na comunidá la 'reparación facial' pa los seropositivos afeutaos de lipoatrofia, un desorde caracterizáu pola perda de texíu adiposu en zones llocalizaes del cuerpu.

Según indicó güei la organización en nota prensa, hai cuatro años que plantegó esa demanda na Alministración sanitaria asturiana al considerar que ye'l "únicu métodu qu'amenorga la lipoatrofia, un efeutu secundariau de los tratamientos antirretrovirales a los que tán sometíos les persones con VIH".

Nesti sen, el comité recordó que'l citáu recursu asistencial se comprometió "pa últimos del 2008" per parte de la Conseyería y que'l 1 de Xineru del 2009 ye la fecha na qu'entra en vixencia esti recursu como Cartera Común de Prestaciones.

"Llegáu esti momentu de rocea ye responsabilidá del conseyeru notificar a pacientes, profesionales y ONG-VIH, cómo va resolvese esta situación d'afirmaciones prometíes, mentíes y desmentíes por mediadores de la propia Conseyería", señaló'l Comtié Ciudadanu Anti-Sida nel escritu.

Asina, ante lo que considera una "falta de definición" per parte de l'Alministración, exixó al Serviciu de Sallú (Sespa) y al conseyeru Ramón Quirós, mediante carta per rexistru esta selmana, que s'esclarien y subsanen "les contradicciones" y se "determinen les aiciones precises que se van realizar".

Contador Estadistiques