Ecoloxistes soliciten información sobre la llicencia de la regasificadora

La Coordinadora solicitó información al Conceyu de Xixón sobre les razones poles que se tardare namás un día en dar llicencia d'obres a Enagás pa la regasificadora.

El coleutivu ecoloxista señaló qu'ayeri comunicó-y el Serviciu de Disciplina de l'Alministración autonómica que'l Conceyu infórma-yos que les obres que se tán faciendo na regasificadora tán contemplaes nel proyectu d'obres presentáu por Enagás. El mesmu solicitaba la concesión de llicencia d'obres pa Precarga de Terrenos en Terminal Regasificadora que se solicitó'l 15-12-2009 y concedida por resolución del conceyal delegáu'l 16-12-2009.
  
La coordinadora recordó que'l pasáu día 30 de payares, una vez comprobáu que se taben executando obres nel solar cedíu a Enagas pa la instalación de la regasificaora "nun teniendo estes obres la obligatoria llicenica municipal del Conceyu de Xixón", solicitó ente l'Ayuntamientu y l'Autoridá Portuaria la paralización de diches obres.
  
"A pesar de les nueses denuncies, les obres continuaron con total normalidá", señalaron, insistiendo en que les obres, seya o non en subsuelu, precisen llicencia. "Una vez más demuéstrase que'l Conceyu ta actuando de cooperante necesariu d'una illegalidá con Enagas y el Puertu, que conocen lo irregular de les obres, que se tán faciendo a menos de 2.000 metros de la población, que nin siquier tien garantizada la so viabilidá económica nin industrial", apuntaron los ecoloxistes.