El Bloque felicita a l’Arzobispu por usar l’asturianu
|
1 Febreru, 2010 por Damián Barreiro
- Inicie sesión o rexístrese pa espublizar comentarios
El Bloque por Asturies quier agradecer y felicitar a Jesús Sanz Montes por usar l’asturianu na so toma de posesión como Arzobispu d’Uviéu, "dando una lleición a les clases dirixentes".
La organización esclaria que “si hai un mes-y pidíemos al Arzobispu que nun siguiera los pasos del so antecesor Carlos Osoro na persecución a la llingua y el despreciu a los sos falantes, agora ye’l tiempu de felicitar a Monseñor Jesús Sanz Montes pol detalle de respetu y reconocencia nel so estrenu a la llingua y a tolos asturianos, independientemente de les sos creencies”.
Pa esti partíu, l’esfuerzu entá tien más valor viniendo d’una persona que nació fuera y que nun tien el nuestru idioma como llingua materna, “amuesa que la intención de ser respetuosu y facer por integrase ta penriba del sitiu de nacencia de cualquier persona”.
Pal Bloque, con esti xestu Jesús Sanz da una “lleición” a una parte de la clase política, económica y social “que s’acomplexa a la hora de falar n’asturianu”. La organización espera qu’esto nun quede nun detalle simbólicu y seya’l primer pasu d’un cambiu que lleve al idioma a la normalidá dafechu dientro de la ilesia.
Efrén d'Andrés
Lo + visto de la selmana
Comentarios
Pues pa min puede falar n'asturianu o en mandarín . Pueden da-y pol culu a elli y a tola so feligresía .
Como se vos nota a los del Bloque , que la mayoría fuisteis molacinos de la JOC . Lluegu vais d'estrema izquierda .... dais la gana de cagar . ¿Nun quedamos que nun Estáu " democráticu" hai separación de poderes?, entós que coyones mas vos da lo que faiga la Ilesia . Claro que de la mesma dientro cuatro diis cuando faiga daqué que nun vos preste , cagaréisvos en so puta madre . Esti ye uno de los males de la izquierda , que nun sabe pa onde ta vuelta .
Por una sociedá llibre , sin religiones que solo sirven pa llevar atrasu y miseria moral elli donde tan , por una sociedá llibre y laica ye polo qu'hai que trabayar .
Yo con la ilesia nun soi neutral , reconózolo , soi fondamente belixerante por tol dañu que ficieron y que siguen faciendo a la humanidá , amas de tener que paga-yos los gastos por coyones
"Nun vengas a rezar a la mio escuela y yo nun diré a pensar a la to ilesia"
Nesta ocasión toi d'alcuerdu cola postura del BpA. Hai munchos asturianos identificaos cola institución relixosa que representa la Ilesia Católica. Un averamientu de la so xerarquía hacia la llingua va en porgüeyu de la normalización social de la mesma. Podemos tar ante un simple xestu ensin más trescendencia nel tiempu. Pero tamién podríamos tar ante un actu, un guiñu, pa calibrar l'ecu que recibe de la sociedá o de los sectores más comprometíos col asturianu, onde nun hai qu'escaecer al colectivu Fernández de Castro que lleva abenayá trabayando pola llingua na lliturxa. Sedría conveniente que dende los demás partíos y colectivos de mena nacionalista/asturianista s'amosare la bona acoyida a estes pallabres. Cómo vayan a desendolcase los acontecimientos nel futuru ye daqué qu'endagora nun podemos saber. Si s'empobina pel camín del predecesor Osoro habrá que criticar con contundencia. Per agora, el primer niciu ye positivu. Ver veremos.
Al menos fixilo bien pa'l entamu!!!Agora lo que faga mas adiantre, habra que tener un güeyu abiertu.
Creo que llueu los del gobiernu lu pondran del so llau!!Como acostumen a facer.
Una cosa tien que quedar mui clara ,la LLingua non tien nada con el collor politucu'd caun .Eso de insultar y falar de esi mou ye Vergoñosu .
La LLingua asturiana ye estaya'd toos ,con xuntaza y dexar que si d 'ezquerdes o del Bloque , eso tien que ser averau.
Non tou el llucha por nuesa LLINGUA ye de ezquerdes nin de dreches ,Asturies ye cosa'd toos!!!
Amigu Pachu paezme que nun m'atalantasti bien , yo lo que digo ye que la ilesia como institución dame noxu y la gana de cagar , yo nun quiero insultalos , quiero cerrar les ilesies y poner a los curas al paro ¿entiéndeslo? , ¿ creo que ta facil d'entender no ? .
Los únicos curas bonos que conozo son los curasanes . ¿Conoces tu otros? ¿Úlos? .
A ver si agora porque falen n'asturianu tengo que respetar a una institución que nun respeta mas que los sos intereses y solo fexo que llevar la desgracia y el dolor allí donde ta .
Por esa mesma regla de tres , si mañana un partíu d'estrema derecha como Democracia Nacional aprueba en los sos estatutos la oficialidá del asturianu , tengo que felicitalos no te jode , porque según la to reflexón que mas da que seyan fascistes y racistes si tan a favor del asturianu non te paez? .
Amigu Xilon, como democrata acepto'l to pensar,pa min l'ilesia ta ahi , sin dir mas lloñi!!!Se que hai cures en Xixon que trabayen pol l'asturianu mas que nadie y pol los probes,tamien los hai que non presten, en toos los llaos ye asina.
Non fai falta una dictadura, pa que la nuesa LLINGUA non despaeza, ni'd ezquerdas o drechas,esi pensar hai que aparcalu , si de verda somos asturianos y queremos lluchamos por lo nuesu.
Pa min la estaya ye Asturies !!Y trabayando pol so patrimoniu ,non tara mal fechu!!
Tas d'acuerdu que sigan castellinizando Asturies??com se fixo con la dictadura..Y el gobiernu asturianu sigue faciendo?.
Ensin xuntanza non faremos nada y un dia dexara de ser Asturies!!
Un saludu
Totalmente d'alcuerdu contigo, Pachu, la llingua asturiana ye un patrimoniu que nos pertenez por herencia a tolos asturianos y que nos correspuende curiar y tresmitir a los que nos sucedan, independientemente de credos o ideoloxíes.
Espero que estu nun seya un xestu, espero que fructifique en cultos en llingua asturiana, como sinu de normalización de la llingua n´ilesia, espero que el nuevu arzobispu seya un pastor que atienda en sin distingos a les sos oveyes.