Un 82% de catalanes quier cine en catalán

El 82,4% de los catalanes tán d'alcuerdu con que les películes que se proyeuten nos cines tendríen que tar disponisbles nes dos llingües oficiales, según el Barómetru de la Comunicación.

Casi'l 9% de los encuestaos ta más bien en desalcuerdu, el 2,2% en desalcuerdu dafechu y el 6,6% nun contesta.

La Llei del Cine Catalán, testu que yá llegó al Parlamentu autonómicu y que se tramitará per vía d'urxencia, estipula que les películes europees con 15 o menos copies serán les úniques que tarán llibres de la obligación d'incluyir el catalán nel doblaxe o la sotitulación. Les americanes, por exemplu, con menos de 15 copies sí deberán distribuyuir la metá de les copies en catalán.
  
Nel 2009, el 35,2% de los catalanes acudieron al cine -2.230.000 persones-, un 0,7% más que nel 2008. Ente ellos, el 91,3% vio una película en castellán y el 3,8% en catalán. Dende'l barómetru de la Comunicación caltienen qu'hai que tener en cuenta la diferencia d'ufierta ente películes nuna llingua y otra.