Los socialistes contra la incineradora... en Castellón

La Coordinadora Ecoloxista denuncia que mientres n’Asturies el PSOE diz que la incineradora nun ye peligrosa pa la salú, en Castellón son contrarios polos “problemes medioambientales”.

Mientres nel nuesu país, la FSA afirma que la incineradora ye inocua y nun xenera dioxines, en Castellón, el secretariu de los socialistes, Francesc Colomer diz que les incineradores espulsen dioxines y partícules contaminantes según los estudios científicos, "pudiendo afeutar a la salú de los vecinos”.
 
En Castellón, el PSPV quier más buscar criterios téunicos pa “plantegar alternatives medioambientalmente sostenibles” tres que la Generalitat valenciana amosara’l so interés por facer una incineradora na provincia.
 
Los ecoloxistes entréguense si los vecinos de Xixón tienen otru sistema inmunolóxicu que nel restu del Estáu, yá que’l PSOE refuga la incineradora n’otros llaos polos problemes pa la salú y equí deféndela.