El 2009 dexa una la tasa de desemplegu del 14,2%

El 2009 dexó n'Asturies 19.600 paraos más qu'en 2008, lo que supón un incrementu del 40,15%, seis puntos más que toa España, según datos de la Encuesta de Población Activa (EPA).

En comparanza col trimestre anterior, ente ochobre y avientu del añu pasáu'l númberu de desemplegaos creció nun 5,3%, al sumar 3.500 persones más. Esti porcentaxe supera al rexistráu nel conxuntu del Estáu, onde l'incrementu foi del 4,9% (203.200 nuevos desemplegaos).
  
Sicasí, al zarru del 2009 la tasa de paru n'Asturies yera del 14,24%, perbaxo de la tasa nacional que, con un 18,83%, superó en casi de cinco puntos el datu del 2008 y algama'l so nivel más altu de la serie histórica comparable, qu'entama nel 2001.
  
Pela so parte, el númberu de paraos españoles tamién supón una cifra récor pa la economía estatal, dao que tres sumase les 1.118.600 persones que perdieron el so emplegu a lo llargo del añu pasáu llegóse a los 4.326.500 desemplegaos.
  
D'esta manera, 2009 torna nel tercer añu siguíu nel que s'incrementa'l númberu de paraos nel Estáu(nel 2007 aumentó en 117..000 persones, nel 2008 subió en 1.280.300 desemplegaos, y nel 2009 en 1.118.600 persones).
 
Población activa
  
La población activa astióse n'Asturies al zarru del 2009 en 481.300 persones, un 2,1% menos qu'a últimos del 2008, lo que torna en 10.500 persones menos. En términos intertrimestrales, el recorte  foi superior, del 0,3%.