Netanhayu insiste nel drechu d'Israel a defendese

El primer ministru d'Israel, Benjamin Netanyahu, dixo esti miércoles, nun discursu pronunciáu nel campu de concentración y estermín d'Auschwith (Polonia) con motivu del Día Internacional de Recuerdu del Holocaustu, que'l pueblu israelín tien drechu a defendese, y criticó a Irán, ensin mencionalu, poles sos amenaces de "aniquilar a los xudíos".

Netanyahu dixo, citando un siniestru pasaxe del Deuterenomio: "recuerdo lo que te fizo Amalek". "Nunca lo olvidaremos. Nun permitiremos que los que nieguen l'Holocaustu o los que profanen les tumbes y los símbolos (xudíos) esborrien o distorsionando (la nuesa) memoria", sorrayó.
  
El primer ministru tamién alvirtió de qu'anque'l "Amalek nazi" -esti personaxe bíblicu guerreó contra Israel- ye casi una pantasma del pasáu, "ta apaeciendo un nuevu Amalek que, una vez más, ta amenazando con aniquilar a los xudíos". "Nun lo permitiremos (...). Nunca olvidaremos y siempre taremos alerta", recalcó Netanyahu, citáu pol periódicu 'The Jerusalemn Post'.
   "
Hai que detener l'odiu asesín dende lo primero. Tolos países del mundu deben deprender esta lleición, como fiximos nosotros tres perder a una tercer parte del nuesu pueblu nuna Europa empapada en sangre. Deprendimos que la única garantía pa la proteición del nuesu pueblu ye l'Estáu d'Israel y el so Exércitu", manifestó'l xefe del Gobiernu hebréu, qu'añadió que la existencia d'Israel y la del pueblu xudíu nunca volverán tar amenazaes.