El Gobiernu central propón convertir 4º d'ESO nun cursu d'orientación

El ministru d'Educación, Ángel Gabilondo, propunxo güei a los conseyeros autonómicos del ramu que 4º de la ESO conviértase nun cursu "orientador". L'oxetivu ye qu'ayude a alumnos a decidise ente cursar bachilleratu o inclinase pola Formación Profesional (FP)

Asina, quieren llograr que nel 2020 el 85 por cientu de los estudiantes algamen un títulu que garantice la so empleabilidá.

Sicasí, demientres la so intervención tres la Conferencia Sectorial d'Educación, destacó que cualquier modificación normativa que tenga qu'adoptase por mor del 'Pactu Social y Políticu pola Educación' "deberá ser contar col apoyu de dos tercios del Parlamentu como xestu de llealtá institucional". "Nun queremos que nenguna nueva midida seya imperativu del Gobiernu, sinón que s'acepte de manera consensuada", aseguró.