El valencianismu d’esquierdes axúntase pa les eleiciones de 2011

El Bloc Nacionalista Valencià, la escisión nacionalista d'EU Iniciativa del Poble Valencià, y un sector de los verdes, presenten una coalición cola que quieren abrir un tercer espaciu políticu nacionalista y d’esquierdes.

Los impulsores de la coalición presentada ayeri, que tovía nun tien un nome afitáu, anque ye probable’l de Compromís, quieren abrir el grupu a nueves incorporaciones, partíos y asociaciones. Abriendo asina un tercer espaciu qu’algame’l cambiu na Comunidá Valenciana.
 
Los responsables de la iniciativa quieren amosar el malestar social y cívicu polos casos de corrupción nel PP y el propiu Gobiernu valencianu y presentase como una alternativa a lo que calificaron como ·”falta d’oposición d’un PSOE cada vegada menos valencianista”.
 
Los integrantes quieren sumar a les fuercies polítiques independientes, ecoloxistes y d’esquierdes que quieran trabayar “por otru País Valencianu” y asina ser clave nel gobiernu que salga depués de les eleiciones de 2011.
 
Según l’alcuerdo, Enric Morera, secretariu xeneral del Bloc, será’l cabeza de llista de Valencia. Mònica Oltra, vocera d’Iniciativa, será la númberu dos de Valencia, Josep Maria Pañella, del Bloc, presidirá la llista de Castellón y la diputada d’Iniciativa, Mireia Mollà, abrirá la d’Alicante.
 
Nes elecciones de 2007 el Bloc, principal fuerza de les 3 coaligaes, presentóse tamién baxo la etiqueta electoral Compromís pel país valenciá xunto con Esquerra Unida, lo que-y permitió entrar nel Parlamentu. Iniciativa del Poble Valenciá ye una escisión de los sectores más nacionalistes d'Esquerra Unida del País Valenciá, que s'agrupaben dientro de la coalición baxo la corriente "Esquerra y País" y que teníen 2 de los diputaos de Compromís. Per otru llau Els Verds, una de les formaciones qu'utilicen esti nome, son un sociu tradicional del Bloc en Valencia y yá nel añu 2003 estes dos fuerces presentáronse coaligaes como Bloc-Verdes.
 
En realidá esta coalción representa un reasitiamientu de la izquierda valencianista que primero taba con EU alredor del Bloc. Sicasí, nel País Valenciá tien una presencia importante Esquerra Republicana el País Valenciá, la caña valenciana d'esquerra, que nun se va incorporar al alcuerdu y nun participaba na coalición Compromís pel país valenciá con IU.