“El Tranqueru” llevará a los tribunales a l’Autoridá Portuaria de Xixón

L’AA.VV. de Xivares “El Tranqueru”, quier denunciar que los esbarrumbes llevaos a cabu pola Autoridá Portuaria de Xixón (APX) n'Aboño tán fuera de la llegalidá. Poro, van denunciar a l’ATX y piden un castigu exemplar y la depuración de responsabilidaes.

El Tranqueru señala que nun esiste publicación de Declaración d’Impacto Ambiental y tampoco’l premisu de l’autoridá sustantiva, “que nestos casos debe emitise una vez conocida la declaración d’Impactu Ambiental”. Según los vecinos de Xivares esto constitúi una nueva violación de la normativa al respeuto, “que se suma a otra de tantes irregularidaes”.
 
L’asociación señala que va denunciar nos próximos díes pela vía penal a l’APX, “denuncia pola qu’esperamos un castigu exemplar por parte de la xusticia  la depuración de responsabilidaes, énte esta nueva actuación llevada a cabu cola pasividá de la clase política”.