Air Europa anuncia tres vuelos diarios a Madrid

Air Europa anunció al presidente del Principáu la so intención de conectar Asturies y Madrid con tres frecuencies diaries de magar el próximu ún de xunu, lo que supón un refuerzu importante, según informó'l Principáu.

La decisión comunicóse nun conceyu que caltuvo ayeri na Delegación del Gobiernu asturianu en Madrid ,el presidente d'Air Europa, Juan José Hidalgo, y el presidente asturianu, Vicente Álvarez Areces, a la que tamién asistieron la conseyera de Cultura y Turismu, Mercedes Álvarez, el direutor Xeneral de Tresportes, Julian Bonet, y el director de Rellaciones Institucionales d'Air Europa, Manuel Panadero.
  
Los detalles d'esta iniciativa van facese públicos esti mesmu mes, dao que ta previsto que'l presidente d'Air Europa viaxe a Asturies nos próximos díes. El marcu nel que se conoció la implantación d'estos nuevos vuelos coincidió cola celebración del Día d'Asturies na Feria Internacional de Turismu FITUR 2010 en Madrid.
  
El presidente d'Asturies anunció esta mañana na so vistia a la Feria que'l Principáu confiaba en poder anunciar "de manera inminente" dalgún compromisu nuevu nel ámbitu promocional qu'ayude a meyorar los tráficos aéreos y les conexones colos vuelos con destín nacional que parte del aeropuertu d'Asturies.