Feijóo acepta’l 50% de les materies en gallegu

|

El presidente de la Xunta amosó la so disposición a aceptar un “billingüísmu equilibráu” nel sistema educativu al 50% ente’l gallegu y l’inglés, mientres entame’l procesu d’introducir l’inglés como tercer idioma.

Tres roblar un alcuerdu col so homólogu de Castiella y Lleón, Juan Vicente Herrera, el presidente de la Xunta dixo que’l namás presentó unes bases pal futuru decretu, qu’anguaño tán en fase de consulta colos axentes implicaos.
 
Feijóo esclarió que’l namás quier el meyor testu posible y que la cordialidá llingüística ye un “patrimoniu al que nun vamos renunciar”. Poro, dixo que comparten la base d’un billingüísmu al 50%, “entamando la xera d’introducir una tercer llingua, que ye l’inglés”, señaló.
 
Sicasí, afitó que’l so executivu nun comparte la “inmersión lligüística nin en gallegu, nin en castellán y los padres nun tengan la oportunidá de ser consultaos”.
 
Les pallabres de Feijóo vinieron hores enantes de la fuelga contra’l so decretu que güei para’l sistema educativa gallegu. El presidente de la Xunta dixo que la convocatoria taba “afalada pol nacionalismu” y qu’hai quien presenta propuestes pa meyorar y “quien organiza fuelgues que crean conflictos”.

Comentarios

y iso que'n Galicia gobernan los del PP...Que acepten los  socialistes n' Asturies ????
 

Contador Estadistiques