Nacho Vegas: "los cantares surden anque nun quieras"

Nacho Vegas zarra en Madrid la xira de 'El Manifiesto desastre'. Un discu al que siguió un EP, 'El género bobo', y con un tour col que volvió al direutu en solitariu, estrenó banda y comprobó que l'asistencia a los conciertos nun se correspuende coles ventes.

Nacho Vegas ye amás cantante de Lucas XV, un proyeutu de música folk asturiana pasada pol filtru del rock. El grupu ta formáu por dellos músicos de gran nivel, ente los que destaquen el propiu Nacho Vegas, que canta 9 de los 11 temes del álbum, y sobre too Xel Pereda, músicu de Llan de Cubel y guitarrista de Nacho Vegas, quien últimamente nun prescindió de Lucas 15 en nengún de los sos proyeutos. El grupu ufrió una actuación na cabera entrega de los Premios Andrés Solar de la Xunta pola Defensa de la Llingua.
 
Tres más de 20 años dedicáu a la música, media docena d'EP, otros tantos álbumes d'estudiu y collaboraciones con Enrique Bunbury ('El tiempo de las cerezas') y Christina Rosenvinge ('Verano fatal') l'asturianu zarra'l miércoles en Madrid la que probablemente fuere una de le sos xires más esitoses, la de 'El Manifiesto desastres'.

Echando la vista un añu atrás, aplicando cierta perspectiva, Vega sorraya dos fechos d'esta trayectoria. En primer llugar, lo que supunxo pa él xirar con una nueva banda -disolvió Las Esferas Invisbiles, el so anterior grupu, enantes del so últimu discu- y tocar con, ente otros, Abraham Boba, que-y fai dacuandu de teloneru.

En segundu llugar, esplica nuna entrevista con Europa Press, diose cuenta de que la "afluencia de xente en dalgunos conciertos nun se correspuende coles ventes de discos. Eso fíxome muncha ilusión". Dizlo un músicu que piensa que "la música goza de bona salú" y que reconoz abiertamente qu'Internet "cambió muncho les coses".

"Que tea cimblando la industria musical ye una bona noticia. Tolo que-y ta pasando merezlo", sentencia Vegas, que nun se siente "representáu" na sonada protesta que dalgunos artistes realizaron frente al Ministeriu d'Industria. La llende, diz -anque matiza que nun tien "opinión formada"- ta "en que nun se mercadé cola música".
  
Pal asturianu, una de les coses bones de la crisis na industria musical ye que vuelven a reeditase munchos vinilos, cuando demientres años foi dalgo marxinal. "El formatu dixital y la distribución per Internet ye una bona ferramienta d'espardimientu, pero nun fairá qu'haya meyor música", señala un músicu que se declara amante del formatu analóxicu.
 
“El genero bobo”
 
En realidá, Nacho Vegas quería tocar la batería, pero acabó con una guitarra ente les manes. "Supongo qu'entames como toos, escuchando dalgo de música... depués esto entama a ser dalgo importante, quies tener el to propiu grupu... poco a poco daste cuenta de que los cantares son un vehículu, como una forma d'espresión que torna en dalgo vital".
  
L'asturianu abandonó Manta Ray a últimos de los 90 pa dedicase a componer los sos propios cantares. Temes crudos sin épica yá dende lo primero, anque él considera que los sos "cantares más duros tán nos últimos discos". "Al final colos años tornes en dalguién un poco más cínico", alega.
  
"Col tiempu compres la distancia, una perspeutiva diferente, más alloñada de ti mesmu. Nel primer discu sueles usar muncho la primer persona y a lo último eso acábase y busques otros discursos", reflexona al tiempu qu'apuesta por "preservar esa inocencia" que tenía cuando escribía los sos primeros temes. "Eso nótase na pureza de los cantares", apunta.
  
Unos cantares "plagaos de referencies", inspiraos "por una frase que siento na cai o nun bar": "hai poco lleí nun periódicu una noticia d'un tipu al que llamaben 'el timu del gigolo frustráu' y entamé un cantar. Cualquier cosa por pequeña y insignificante que paeza, pue ser la chispa que lo entame too".
  
La frustración paez ser una d'eses coses recurrentes -o polo menos "presente"- nos sos cantares. 'Las inmensas preguntas', incluyida dientro del so últimu EP, 'El género bobo', ye un exemplu d'ello. "Ye una contención un poco impuesta; la imposibilidá de comunicate d'una manera llóxica y normal. A veces tentes de que les canciones seyan l'alternativa", diz.
  
Esi últimu EP, publicáu n'ochobre, Vegas descríbelu como dalgo "un poco estraño". "Hai cantares distintos: la que zarra'l discu ('Al final te estaré esperando') ye d'hai tiempu; 'Las inmensas preguntas' grabéla espresamente; les obres dos ('Pesadilla genérica' y 'Penúltimu anhelo') son de les sesiones de 'El manifiesto desastre' y tienen un tonu más optimista. Ye un EP con munches contraposiciones".