El Bloque muestra la so preocupación polos grupos neonazis

|

El Bloque por Asturies ve con preocupación qu’Asturies sía una de les Comunidaes onde tán apaeciendo más noeonazis según los datos de la Policía Nacional y la Guardia Civil. Pal Bloque, l’exemplu más claru foi’l partíu del Sporting col Sevilla.

Estos datos y los últimos acontecimientos confirmen pa la organización “lo que vien denunciando dende hai años a la Delegación del Gobiernu español n’Asturies, qu’estos grupos tán valiéndose de determinaes grades de fútbol col consentimientu de les direutives”.
 
L’estudiu diz que’l perfil de neonazi ye xente d’ente 15 y 45 años ensin estudios universitarios, paraos recientes y con trabayos poco cualificaos, que gasten un discursu contra los inmigrantes, contra l’islam y antisemita y que culpen a los estranxeros de la crisis. Tamién se confirma que suelen valise de determinaos campos de fútbol y d’internet p’afiliar xente mozo nuevo.
 
Según el Movimiento Contra la Intolerancia estos grupos neonazis son los responsables de 81 asesinatos dende 1991 y de más de 4.000 agresiones al añu. Según la ONU, de les 4.000 webs que faen propaganda aria, 300 fáense nel estáu español col argumentu del “stop a la inmigración” y aprovéchense de la rede pa proclamar la “supremacía blanca”.
 
El Bloque afita qu’esperen que se tomen les midíes necesaries y nun haya que llamentar males mayores “como la muerte de Carlos Palomino o de los miles d’inmigrantes que tán obligaos a marchar del so país pa buscar una vida meyor”.

Comentarios

Los facistes facen una llabor  perbona al PP ,o con pintaes  o truñado  nel futbol,facen lo que siempre fexieron ..Llevar asturies pa Castiella.
Por iso fai  falta que'l  xuntanza   de toes les fuercies asturianes ,dexando  de llau'l collor..Solu tirando xuntos pel barcu llegara al puertu..nin de equerdes o dreches solun ASTURIES cunta!!
si non el barcu se fundira!!!

Pues pa tar preocupaos a Trevin nun y-da mas los nazis... vaya collacios que tien el BA.

Contador Estadistiques