Felpeyu actuará nel Celtic Connections de Glasgow

|

Felpeyu dará un conciertu’l próximu vienres 22 de xineru nel marcu del prestixosu festival Celtic Connections, que va celebrase en Glasgow (Escocia) ente los díes 14 y 31 d’esti mes. El grupu asturianu compartirá cartel con grupos como The Chieftains o Wolfstone.

Este festival ye una de les muestres más importantes dientro del panorama musical, nun namás de la música de raíz de la Europa Atlántica, sinón de tol mundu. Nesta edición destaca la presencia d’artistes como Bobby McFerrin, The Hot Club of Cowtown, The Chieftains col grupu mexicanu Los Cenzotles, Karan Casey o Dervish. Felpeyu actúa nel ABC Theater xunto’l grupu Wolfstone.
 
Felpeyu ye una de les referencies na música asturiana. Foi fundáu en 1991 en Salamanca, onde estudiaren Belles Artes los sos miembros fundacionales Ígor Medio y Ruma Barbero. Dende entós, desendolcaron una carrera musical con una bayura d'actuaciones per España, Europa y Australia. Pel momentu tienen espublizaos cinco discos, l’últimu “Canteros” cola producción de Tierra Discos y asoleyáu en 2008.

Contador Estadistiques