Policíes marroquinos disuelven una manifestación independentista saḥaraui

Axentes de la Policía marroquina cargaron esti sábadu contra una manifestación de saharauis pa reclamar el drechu d'autodetermín y la fin del cercu na casa d'Aminetu Haidar, según informó'l Ministeriu pa los Territorios Ocupaos de la República Árabe Saḥaraui Democrática

Según estes fontes, los manifestantes declararon el so apoyu al Frente Polisariu como únicu representante saḥaraui y enseñaron banderes de la RASD.
 
Amás, demandaron el fin de la represión y l'aislamientu impuestu poles autoridaes marroquines a la vivienda na que s'alcuentra l'activista Aminetu Haidar dende la so torna a L’Ayún tres la so fuelga de fame de 32 díes n'España. Los policíes marroquís disolvieron la concentración pola fuerza.
  
Per otra parte, el Ministeriu saḥaraui informó amás esti llunes de la detención el pasáu 12 de xineru d'Amerzeg Jattar, activista saharaui de Derechos Humanos, tres visitar a Haidar.
  
La madre de Jattar presenció cómo la Policía marroquina garró a la so fía y de cómo l'amenazaron con mayores represalies si s'averaba otra vuelta a la vivienda d'Haidar, presidenta del Colectivu de Defensores saḥaraui de los Derechos Humanos (Codesa). Ésta ye la segunda vez que Jattar resultó detenida por visitar a Haidar dende la torna de la presidente de Codesa a L’Ayún .