ERC abre la puerta a un "frente común" catalán en Madrid

El voceru d'ERC nel Congresu y secretariu xeneral d'esta formación, Joan Ridao, defendió güei la conveniencia de que los partíos catalanes reaiciones de manera conxunta ente la próxima sentencia del Tribunal constitucional sobre l'Estatutu.

Ribao esplicó que los republicanos nun veríen "mal" hasta la idea de qu'esta unidá d'aición se reflexe tanto en Cataluña, al traviés d'un posible "gobiernu d'unidá", como en Madrid, con un "frente" de los partíos catalanes con representación nes Cortes.
  
"Hai un plantegamientu que nun ta mal, que nosotros abonamos, que ye ver si d'una puñetera vez los partíos  catalanes en Madrid, en llugar de vixilase y mirase de regüeyu, planteguen un auténticu frente unitariu. Y esi escenariu pue tener correspondiencia en Cataluña, al traviés d'un Gobiernu d'unidá", comentó Ridao nuna entrevista a Europa Press.
  
El 'númberu dos' d'ERC esplicó que la so formación tien "una opinión formada" sobre l'acuerdu que debería salir del conceyu que prevé convocar el presidente catalán, José Montilla, una vez que'l Constitucional dea a conocer la so sentencia, pero sorrayó que nun quieren predeterminar en qué debe consistir esi pactu porque fairíen "bien pocu favor" al so algame. "ERC vincúlase a esta respuesta unitaria", añadió.
 
Movimientos sísmicos depués de tres años d'espera
 
Ridao refugó "especular" sobre la fecha de votación de la sentencia, anque almite qu'en Cataluña espérasela "pa yá", y considera qu'una de les consecuencies de que l'Estatutu lleve "trés años na picota", del TC ye que "dende la centralidá sociolóxica y política catalanes", surdieron "movimientos sísmicos que planteguen una superación clara de la etapa autonómica".
  
Esti movimientu, que Ridao define como "constructivu" y contrasta col clima de "desánimu, deseperanza y derrotismu" qu'imperaba na sociedá catalana hai sólo un par d'años, plasmóse, según esplica, nes "consultes propulares" sobre la independencia que se convocaron en dalgunos conceyos. Al so xuiciu, esta corriente, surdida de la sociedá civil", pue dar llugar a "diferentes respuestes" ante la decisión del TC.
  
Pronostica qu'éstes puen tornase hasta en "despreciar" l'acatamientu de la sentencia, bien llanzáu "un nuevu desafíu al Estáu en forma del Estatutu que nel so día aprobó'l Parlamentu" o "plantegando un Gobiernu d'unidá" o una 'solidaridá catalana', inspirada, según detalló, no que se fizo en 1906, cuando abanderaos pol rexonalista Francesc Cambó, "tolos partíos catalanes plantegaron un frente común en Madrid", hasta'l puntu de retirase de les Cortes.
  
Otres de les derivaes d'esti movimientu "tresversal" nel que Ridao agrupa a xentes de CiU, PSC y hasta IU, podría implicar que la respuesta al TC fuere la organización d'una "consulta sobre'l futuru políticu de Cataluña demientres la próxima llexislatura". Eso sí, asume qu'esta opción "requier una mayoría social y política importante". "Si se plantega una iniciativa d'esti tipu, amás fuera del marcu llegal, tien que ser con una fuerza importante", añadió, matizando que nun se podría aplicar como se fizo hasta agora coles consultes soberanistes celebraes en dalgunos conceyos.
 
Soberanización de Cataluña
 
Ridao piensa qu'a esta tesis apuntáronse munchos "federalistes y autonomistes de bona fe", a los que se-yos cayó "la venda de los güeyos", porque constataron que, pa falar del aumentu del autogobiernu, "en Madrid comunica o naide se pon al teléfonu". Esta "soberanización sociolóxica y política" de la so comunidá tien, según Ridao, un claru reflexu nes encuestes.
  
"Alfonso Guerra dicía que yéremos estratosféricos, yo nun lo sé. Pero sí ta claro que Cataluña y España cada día viven en mundos más paralelos, son dos planetes cada vez más alloñaos. Y d'eso --avisó-- deben tomar bona nota'l PSOE y el PP, que son los que llevaron a esta cai sin salida, impugnando l'Estatutu pa perxudicar a Zapatero y pa imponer una victoria ideolóxica dende'l puntu de vista d'un Estáu cada día más uniforme".
 
El "populista" Laporta
  
Al marxe d'esti movimientu más próximu a los postulaos independentistes d'ERC, Ridao refirióse tamién a "dalgún fenómenu populista y demagóxicu puntual, hasta de carácter personalista que quier abanderar una parte d'esa reaición política ante la sentencia", en clara referencia al eventual saltu a la política del presidente del Barça, Joan Laporta, de la mano del ex dirixente republicanu, Joan Carretero.
  
"Digamos qu'esta xente comparte'l mesmu alimentu espiritual qu'ERC, pero como comieron más rápido tamién rutien primero. En tou casu, formen parte d'esta situación que nun pue desatendese dende Madrid diciendo qu'hai qu'acatar la sentencia sin más, porque eso va ser mui difícil, por nun dicir imposible", alvirtió.
  
El dirixente republicanu recordó qu'en Cataluña tamién ta'l que plantega como reaición a una sentencia adversa una reforma de la Constitución pa establecer una rellación billateral con España y superar la vía estatutaria", una opción qu'ERC nun apoya.
  
En cualquier casu, "a pesar de toles trampes polítiques y nun contestu hasta electoral dafechu" ERC insiste na necesidá de buscar una reaición coordinada tanto nel conceyu que convoque Montilla como nel propiu Parlamentu, porque qu'ellí nació l'Estatutu y porque "dase la paradoxa" de qu'ERC, que ta nel gobiernu, nun lo apoya, pero CiU, que nun gobiernu, sí lo apoya.