Abbas nun quier dialogu hasta que fine la construcción d'asentamientos xudios

El presidente de l'Autoridá Palestina, Mahmud Abbas, afirmó esti xueves que resistirá la presión estoaunidense pa reanudar les conversaciones de paz a menos qu'Israel detenga en primer llugar y dafechu les contrucciones d'asentamientos en Cixordania.

Los comentarios d'Abbas a la radio exipcia La Voz de los Árabes paecen un palu a los esfuerzos estaounidenses pa mediar una reaunudación de les negociaciones rotes hai más d'un añu.
  
Ta previsto qu'Abbas aconceye col conseyeru de Seguridá Nacional, Jim Jones, a última hora d'esti xueves en Ramala. Jones tmaién aconceyará col primer ministru israelí, Benjamin Netanyahu, en Xerusalén. D'otru llau, tamién s'espera la visita nos próximos díes a la rexón del unviáu estoaunidense pal procesu de paz n'oriente  próximu, George Mitchell.
  
Abbas insistiere con anterioridá nuna completa detención de la cosntrucción israelí en Cixordania, incluyíu Xerusalén Este, y resistió a la presión d'Estaos Uníos pa tornar darréu a les conversaciones.
  
Al entrugalu sobre cómo responderá si EE.UU insistía nuna vuelta al diálogu, Abbas afirmó: "nun lo aceptaremos, yá espresamos la nuesa posición a l'Alministración americana". Añadió que la presión pa tornar a les conversaciones sin una conxelación total de la construcción ye "inxusta".
  
El dirixente palestín tamién espresó que la conxelación parcial de diez meses nun ye abondo pa que se produzan estes conversaciones. La Secretaria d'Estáu nortemaricana, Hillary Clinton, pidió a primeros d'esti mes a Israel y a los palestinos qu'entamen otra vuelta les negociaciones y se centren darréu n'acordar les fronteres d'un estáu plaestín y l'estatus de Xerusalén.
  
"Yá dieron garantíes", espresó Abbas, cuando se-y entrugó si lu afalaríen pa tornar a la mesa de garantíes estaounidenses. "Estes garantíes nun ficieron nada, nun queremos garantíes. Queremos qu'EE.UU diga a Israel que detenga dafechu la construcción demientres un periodu de tiempu y entós volveremos a les negociaciones", aseguró. Según Abbas, si EE.UU nun pue obligar a Israel a detener l'actividá nos asentamientos, "¿cómo podría implantar un acuerdu pactáu?".