Rojo recuerda que los votos decidiran l'usu de les llingües nel Senáu

|

El presidente del Senáu, Javier Rojo, recordó a los senadores nacionalistes qu'ayeri reclamaron l'usu de toles llingües na Cámara, que los votos son los que ponen cada iniciativa "nel so sitiu", polo qu'entamó a esperar a la tramitación de la propuesta y pidió'l mesmu respetu pa toles posiciones.

Demientres una entrevista concedida a Europa Press, Rojo calificó como "respetable" la propuesta de reforma de Reglamentu presentada por 34 senadores pertenecientes a los grupos de CiU, la Entesa Catalana de Progrés (PSC, ERC y ICV), los Nacionalistes (PNV y BNG) y el Mistu nel rexistru de la Cámara Alta col oxetivu d'estender l'usu de les llingües cooficiales a plenos, comisiones y la Diputación Permanente.
  
"Yo nun desllexitimo nenguna propuesta de nengún grupu parlamentariu, otra cosa ye lo que piensen el restu de partíos", argumentó antes de defender que "el respetu de caún tien que midise na mesma manera". "Qué más me prestaba a mi que tener 150 senadores, pero nun ye lo mesmo tener 150 senadores que tener tres", alvirtió.
  
El presidente de la Cámara Alta insistió en mostrase "mui respetuosu" con toles propuestes que se faigan "axustaes al Reglamentu", pero recordó que dempués deben "discutise, analizase y votase". "De magar ehí, too queda nel so sitiu", insistió pa esplicar la necesidá d'esperar la so tramitación.
  
Sicasí, repitió que se deben respetar toles posiciones y encamentó que "se vean les coses con cierta naturalidá", dao que "el mesmu respetu que tien una cosa tienlo que tener la otra". "Hailu que sólo piensa que'l so respetu val más que'l del que tien enfrente, pero non, el respetu de caún tien que midise de la mesma manera", sorrayó.
 
El coste nun ye determinante
  
Rojo evitó d'esta manera comentar si considera posible o non que la iniciativa salga alantre y les llingües cooficiales puean utilizase en tolos órganos de la Cámara, dao que nesti momentu sólo pue facese na Comisión Xeneral de Comunidaes Autónomes. Pese a que'l coste económicu señalóse como ún de les torgues, sorrayó que nun considera qu'ésta seya "la cuestión determinante". "Factible o non factible será cuando veamos los votos que tien a favor o a la escontra", sentenció.
  
La propuesta de reforma del Reglamentu firmáronla 34 senadores nacionalistes de la Cámara, anque aseguraron que son munchos más los qu'apoyen la iniciativa y desvelaron que na so redaición participaron hasta parlamentarios del PSOE y el PP.

Contador Estadistiques