El Supremu almite la denuncia de Falange contra Garzón

El Tribunal Supremu acordó l'almisión de la querella interpuesta'l pasáu ún de setiembre por Falange Española de les JONS contra'l xuez de l'Audiencia Nacional Baltasar Garzón, al qu'esti partíu acusa d'un delitu de prevaricación pola causa qu'abrió esti xuez poles desapaiciones tres la Guerra Civil.

Nun autu notificáu esti miércoles, l'altu tribunal señala que'l conteníu d'esta querella ye "en tou puntu coincidente" coles previamente presentaes y almitíes a trámite contra esti mesmu maxistráu per parte del sindicatu Manos Limpias y l'asociación de Libertad e Identidad, polo qu'acuerda l'acumulación d'esta última iniciativa a la causa que yá s'investiga.
 
Pel momentu, la investigación contra Garzón pol asuntu de los fueyos comunes de la Guerra Civil ta pendiente de que l'instructor d'esti procedimientu, Luciano Varela, decida, tres la realización de delles pruebes, si a lo último procede contra'l xuez o archiva la causa.