Mediu Ambiente suspende la Caza Menor d'aves hasta'l 17 de xineru

La Conseyería de Mediu Ambiente suspende temporalmente l'actividá cinexética na so modalidá de caza menor d'aves n'Asturies. El paru faise efeutivu güei, una vez publicada nel BOPA la resolución, y durará hasta'l próximu domingu 17 de xineru.

Según informó Mediu Ambiente, trátase d'una midida necesaria dao que les especiales circunstancies meteorolóxiques que se produxeron en feches recientes en gran parte d'Europa ocasionaron un gran desplazamientu d'aves a les zones costeres de la franxa cantábrica, y en particular a Asturies.

Nesta situación, los exemplares desplazaos tienen amenorgaes les sos facultaes normales de defensa. Poro, y dao que la Llei de Caza de 1989 y el Reglamentu de caza del Principáu recueye la posibilidá de prohibir l'actividá cinexética si se dan determinaes circunstancies, dende la Conseyería ordenóse publicar la notificación alministrativa correspondiente col envís de facilitar la recuperación de les especies afectaes.