Les muertes por violencia de xéneru descendieron un 27,6% nel 2009

Los asesinatos d'índole machista descendieron l'añu pasáu un 27,65%, con un total de 55 víctimes mortales frente a les 76 de 2008, según el balance añal presentáu pol Ministeriu d'Igualdá.

D'él, entiéndese que la cayida foi más acusada ente les muyeres moces y les estranxeres. Sólo la cuarta parte de les muertes presentaren denuncia. En concreto, la Delegación del Gobiernu pa la Violencia de Xéneru, encabezada por Miguel Lorente, computó 55 homicidios por violencia machista nel 2009, de los que 20 correspondíen a muyeres estranxeres, lo que supunxo una reduccion penriba del 7,6%, frente a les 33 foriates que morrieron un añu antes a manes de les sos pareyes o ex pareyes n'España.
 
La titular d'Igualdá, Bibiana Aído, atribuyó esti descensu a los planes específicos entamaos pol Gobiernu pa combatir la violencia ente les estranxeres inmigrantes, asina como a la reforma de la Llei d'Estranxería, qu'entró en vixencia'l 13 d'avientu, anque dixo que'l balance positivu "nun pue llevar a l'autocomplacencia".  
  
No que cinca a les moces, la ministra destacó una "baxada importante" nes víctimes menores de 35 años, asina como aquélles con edaes ente los 35 y los 65. Sicasí, l'añu pasáu cometióse un homicidiu más ente les mayores de 65 años, con un total de siete casos frente a los seis del 2008.
  
Sobre los asesinos, yeren españoles en más de la metá de los casos y estranxeros nun 43%. El 62% d'ellos nun tentó de suicidase pero ocho intentáronlo y 13 llográronlo. Amás, el 25,4 por cientu tenía antecedentes policiales por otros delitos nel momentu del asesinatu.
  
Aído calcó en que nel 2009 zarróse col "númberu más baxu" de muertes dende qu'hai estadístiques, foi'l primer añu con dos meses de "violencia cero" -nun hubo víctimes mortales en xineru y payares-, supunxo la primer reducción en cifres absolutes dende l'añu 2005, y implica que los homicidios reduxéronse un 8,3% nos trés años de vixencia de la Llei Integral contra la violencia machista.
  
Esti balance pue ser superior, dao que'l Ministeriu d'Igualdá tovía caltién cuatro casos baxo investigacion n'espera de que se confirme que la desapaición de les muyeres pue encuadase na tipoloxía de la violencia machista. Trátase de la desapaición de muyeres en La Línea de la Concepción (Cádiz), Lardero (La Rioxa), Xixón (Asturies) y Valencia.
  
La ministra destacó también la reducción en la acumulación de casos, es decir, en los asesinatos de mujeres que se cometen en los días siguientes a un homicidio previo. En 2008 el 41,3% de los crímenes se cometieron en los dos días siguientes al caso previo y, en 2009, la concentración fue del 34,5 por ciento, en opinión de Aído, por el "mejor tratamiento informativo" de los crímenes.
  
La minstra destacó tamién la reducción na acumulación de casos, ye dicir, nos asesinatos de muyeres que se cometen nos díes siguientes a un homiciu previu. Nel 2008, el 41,3% de los crimes cometiéronse nos díes siguientes al casu previu y, nel 2009, la concentración foi del 34,5 por cientu, n'opinión d'Aído, pol "meyor tratamientu informativu" de los crimes.