Moratinos pide discreción nel casu de los cooperantes secuestraos

El ministru d'Asuntos Esteriores y de Cooperación, Miguel Ángel Moratinos, pidió güei "discreación y enfotu" nel trabayu que'l Gobiernu desarrolla "día a día" pa llograr la lliberación de los trés cooperantes catalanes secuestraos en Mauritania por Al Qaeda, el pasáu 29 de payares.

Nos 'Desayunos Informativos' d'Europa Press, indicó que se trata d'un "asuntu mui dramáticu y difícil", pero refugó aportar detalles sobre cómo evolucionen les xestiones desplegaes pa tentar de lliberar a los miembros de la ONG Barcelona Acció Solidaria.

Entrugáu por qué motivu s'estableció en Mali un contactu indirectu colos secuestradores -como informó la secretaria d'Estáu de Cooperación internacional, Soraya Rodríguez, a les families- si nun se piensa pagar un rescate polos rehenes, Moratinos llendóse a señalar qu'España considera que Mali ye un "actor relevante", polo qu'él mesmu faló en delles ocasiones coles autoridaes d'esti país, incluyíu'l so presidente.
  
Moratinos volvió insistir en que nel casu del secuestru del atuneru vascu 'Alakrana' por pirates somalís "el Gobiernu nun pagó rescate". El ministru añadió que nun tenía constancia de que fuere otra instancia la que pagare pola lliberación de los tripulantes.