Barak pide-y a Hamas que controle a los grupos armaos

El  ministru de Defensa Israelí, Ehud Barak, pidió esti llunes a los dirixentes del Movimientu de Resistencia Islámica (Hamas) que controle a los grupos milicianos que cometieron una serie d'ataques contra Israel dende la Franxa de Gaza.

"Pienso que los últimos díes demuestren la inacapacidá de Hamas pa controlar a los grupos disidentes, la Yihad Islámica o los comités Populares, que tenten de romper la tranquilidá", aseguró Barak demientres la presentación d'un sistema israelí de defensa que se desplegará'l próximu mes de xunu. Hamas ta mui alvertíu de nun tentar otra engarradiella directa con Israel. Poro, espero que lo faigan", afirmó, en referencia al fechu de que'l movimientu islamista imponga la so autoridá sobre'l restu de grupos milicanos.

Tres milicianos palestinos morrieron ayeri nun ataque aereu d'Israel sobre la Franxa de Gaza delles hores dempués de que'l primer ministru, Benjamin Netanyahu, prometiera "una poderosa respuesta" a los taques hacia'l territoriu.
  
Netanyahu aseguró que polo menos 20 cohetes disparáronse la selmana pasada contra Israel dende'l territoriu gobernáu por Hamas. "Veo esta situación seriamente. La política del Gobiernu ye clara, y disparar contra'l nuesu territoriu significará una respuesta poderosa y inmediata", afirmó. Los palestinos aseguren agora que los oxetivos son llugares que pertenecen a otros grupos milicianos, non a los islamistes de Hamas.
  
La violencia aumentó dende'l mes pasáu a lo llargo de la frontera ente Gaza y Israel, un fechu que podría complicar la diplomacia p'algamar la paz na rexón. Israel tamién repartió panfletos nos qu'avisa a los 1,5 millones de residentes de la Franxa de Gaza de qu'eviten averase a una distancia d'unos 300 metros de la frontera con Israel algando motivos de seguridá.