Los blogueros n'asturianu van ser los primeros usuarios de Ximiélgame

Aprovechando les votaciones a meyor blogue n’asturianu ábrense les primeres invitaciones pa prebar la rede social n’asturianu: Ximiélgame. Puen solicitar una cuenta les persones que yá votaron.

Avérense a los cuarenta les páxines que yá dieron el so votu. Estes persones namás tienen de rellenar un formulariu pa pidir la so cuenta en Ximiélgame. Los alministradores comprobarán si los datos concasen y l’usuariu recibirá un corréu cola confirmación. Namás que se dará una cuenta por blogue y deberá tar llistáu como “Blogues que yá votaron” en http://www.votalmeyorblogue.webcindario.com/
 
Ximiélgame ye un llugar onde podrás comunicate colos tos collacios, al estilu de Facebook, pero tamién incluye un sistema de “microbloging” al estilu de Twitter y too esto n’asturianu. Pel momentu ye un proyeutu qu’inda ta en desendolcu, polo que ta camudando a cada poco, l’aida de los usuarios ye fundamental pa la meyora del sistema.
 
Ximiélgame ye un complementu asturianu de Facebook, identi.ca, Twitter, etc… por eso tán trabayando na integración del sistema colos servicios nomaos pa que sía más fácil interactuar con ellos dende Ximiélgame o hacia Ximiélgame.