La Coordinadora Ecoloxista muéstrase contraria a l'abertura d'una industria estractiva en Fuentes (Villaviciosa)

La Coordinadora Ecoloxista d'Asturies manifestó al Conceyu de Vilalviciosa la so oposición a que se vuelva abrir la industria estractiva n'Iris Solapeña, na parroquia de Fuentes, en Villaviciosa, per parte de Calizas de Villaviciosa.

Los ecoloxistes recordaron, al traviés d'una nota prensa, qu'esa cantera de caliza tien autorización d'ampliación publicada'l 30 d'ochobre del 2004 pol anterior propietariu que trespasó la concesión y "nunca cumplió nenguna de les condiciones impuestes" polo que dende Coordinadora señalaron que nun ye autorizable en cuanto que nun execute les inversiones necesaries pa reducir los impactos asociaos a les industries estractives que yá se-yos solicitaba hai cinco años.

"Nun podemos olvidar que se ta falando d'esplotación qu'usa voladures nuna superficie de 49.700 metros cuadraos nuna actividá que se prollongaría 60 años colos impactos asociaos nuna zona mui humanizada", esplicaron dende Coordinadora.
  
Recordaron qu'a escasos metros alcuéntrase la ilesia de San Salvador de Fuentes, declarada Monumentu Históricu Artísticu en 1931, y ye una de les primeres ilesies romániques d'Asturies, con  una estructura que taría "seriamente amenazada" poles vibraciones de la esplotación.
  
"Esperemos que l'Ayuntamientu atienda a les nueses alegaciones al trámite de llicencia municipal d'acordies col Reglamentu d'Actividaes Molestes Insalubres, Novices y Peligroses", dixeron los ecoloxistes, que falaron de "irregularidaes" per parte de los propietarios antiguos y nuevos de la esplotación.