Un horru acaba calcináu n'Ayer tres sufrir un incendiu de madrugada

Efectivos de Bomberos d'Asturies con base nel parque de Mieres estinguieron un incendiu que calicnó dafechu un horru asitiáu nle pueblu de  Ḷḷamas (Ayer). Según informaron los efectivos de bomberos, nun hubo persones afectaes y desconócense les causes qu'orixinaron el fueu.

El Centru de Coordinación d'Emerxencies del 112-Asturies recibió l'avisu a les 3.15 hores y darréu movilizóse a los bomberos enantes citaos, que dieron por estinguíu l'incendiu a les 6.20 hores. Una vez acabada la intervención, realizando los correspondientes llabores de ventilación y desescombriu, la dotación de bomberos retiróse.

Amás d'a los bomberos y al xefe de zona, tamién se dio avisu de lo asocedío a la Guardia Civil y al SAMU, que nun tuvo qu'intervenir.
Per otru llau, los bomberos tamién tuvieron qu'intervenir ayeri n'Andés (Navia) p'apagar otru incendiu qu'afectó al techu y cubierta d'una casa d'una planta de madera prefabricada. Tampoco hubo persones afectaes. L'actuación de los bomberos acabó a les 21.52  hores.