Los Verdes d'Asturies previenen contra l'usu masivu de sal na rede viaria y piden evaluar el so impactu medioambiental

Los Verdes d'Asturies, per mediu del so voceru Nacho González, presentarán escritos al Ministeriu de Mediu Ambiente y Mediu Rural y Marín, al Ministeriu de Fomentu, y a la Conseyería de Mediu Ambiente Ordenación del Territoriu y Infraestructures del Gobiernu autonómicu, pa prevenir contra l'usu masivu de sal na rede viaria pa combatir la nieve y el xelu, y pidir una evaluación del impactu medioambiental de dicha práctica.

Asina lo aseguraron Los Verdes nuna nota prensa na qu'especificaron que'l sal que se distribúi de manera masiva na temporada ivernal sobre les carreteres y ciudaes españoles pa evitar la formación de xelu tien una serie d'afeiciones medioambientales como puen ser el cambiu de salinidá n'acuíferos terrestres, la muerte de vexetales en tou porte, l'afeición a la ictiofauna y a la flora fluvial nos cursos d'agua receptores de los drenaxes de les zones trataes.

Tamién figuren ente les afeiciones destacaes por Los Verdes el deterioru del pavimentu y de los eficios nes zones trataes con reiteración. Amás, el sal provoca corrosión nos vehículos, que n'España nun suelen tar protexíos apropiadamente contra la salinidá na so parte baxa, según informaron Los Verdes.
  
El sal pue afectar al fu ncionamientu de les estaciones depuradores d'agües residuales, nos casos en que les agües pluvailes comparten rede col sanimianetu, según caltién na so  nota prensa.
  
Como alternativa al sal, existen arenes y acetatos que, según los verdes, nun prsenten seso problemes y que se tán utilizando n'otros países.
  
Poro, los Verdes soliciten a les alministraciones correspondientes nos so ámbitos competenciales respectivos y coordinadamente que lleven a efectu una Evaluación Ambiental del programa de tratamientu con sal de les carretres españoles, contemplando l'impactu comparáu ente les diferentes alternatives técniques existentes y viables sobre'l mediu ambiente, el patrimoniu y los bienes públicos y privaos, y en virtú d'esa evaluación d'impactos dictar instrucciones técniques pa combatir el xelu en viables y carretres en cuanto a zones y productos.
  
Esta propuesta ellaborada dende Asturies pa tolos colectivos de la ecoloxía política n'España agrupaos na Coordinadora Verde treslldaráse tamién a ICV pa que realice una iniciativa parlamentaria que se considere apropiada y conveniente.