Blanco ve un tercer mandatu de Zapatero

El vicesecretariu xeneral del PSOE, José Blanco, asegura que de cara al 2012, nun contempla nenguna "otra posibilidá" qu'un tercer mandatu del presidente del Gobiernu, José Luis Rodríguez Zapatero. Nuna entrevista con Europa Press, Blanco almitió que pue haber quién tenga dudes sobre esti asuntu, pero apuntó que "por supuesto, él nun les alimenta, y el Partíu Socialista tampoco".

El dirixiente socialista señaló que, anque él "fala mucho" con Zapatero, nun-y plantegó la cuestión de la so continuidá porque nun-y correspuende a él "tomar la iniciativa". "Pero repitió que conociendo al partíu, nun contemplo otra posibilidá, otra cosa distinta a que Rodríguez Zapatero seya'l candidatu", remarchó.

El propiu xefe del Executivu afirmó la selmana pasada, nel so balance del añu ante los periodites, que nesti momentu ta dedicáu a combatir el paru y que nun dedica "nin un minutu" a pensar na candidatura del 2012. Zapatero calificó esti asuntu de "menor" y sin "nenguna importancia" y añadió que "nun va ser tema d'alderique".
  
El so 'númberu dos' nel partíu quixo afondar na idea de que nel PSOE "nun hai nenguna duda, nenguna rocea", en rellación a la continuidá del presidente, nin tampoco hai sensación de que la falta de confirmación añada inseguridá a la "única preocupación" de los socialistes, "antemanar la salida de la crisis y crear emplegu".
  
Blanco calcó amás en que'l secretariu xeneral del PSOE nun ta "retrasando" el so anunciu, sinón que lo dirá "cuando toque", que ye "cuando se convoquen les elecciones y non antes". "Que yo sepa nel 2006 o'l 2005, nun confirmó que sería candidatu nel 2008, confirmóse  unos meses enantes" argumentó.
  
Al so xuiciu, Zapatero nun sólo sera'l candidatu nel 2012, sinón que ganará les elecciones, a pesar de que nesti momentu les encuestes-y dean la espalda al PSOE. Pola crisis, consideró normal qu'ente los sos votantes tradicionales --mozos, trabayadores-- agora haya "rocea", pero declaróse "tranquilu", porque'l Gobiernu "va sacar al país de la crisis, y va facelo sin añadir costes sociales a la factura", y eso van valoralo los ciudadanos.
  
"Si les elecciones se ganaren poles encuestes, Rajoy taría nel so segundu mandatu, pero les elecciones gánense nes urnes", defendió Blanco. Según dixo, les encuestes hai que "teneles presentes" pero pa les elecciones hai que "esperar a que llegue'l momentu".
 
NEL 2012 XULGARÁSE TAMIÉN A LA OPOSICIÓN
  
"Cuando superemos les dificultaes los ciudadanos podrán evaluar quién defendió l'interés xeneral del país, quién garantizó la cohesión y quién se desabrió de toles responsabilidaes col oxetivu únicu de desgastar al Gobiernu pa ganar el so camín hacia La Moncloa", opinó Blanco, avisando que nel 2012 "va xulgase al Gobiernu, pero tamién va xulgase a la oposición".
  
Nesti sen, opinó que'l presidente del PP, Mariano Rajoy, entendió que "sólo pue ganar les elecciones a llombos de la crisis", dempués de perdeles dos veces. Pa Blanco, "l'únicu pidimientu que fizo Rajoy a los Reis Magos ye que continúe la crisis pa poder siguir él hasta'l 2012".