Laporta estudia encabezar la candidatura d'un nuevu partíu independentista catalán

El presidente del FC Barcelona, Joan Laporta, fala nuna entrevista qu’espubliza güei El Mundo sobre l’equipu que dirixe, pero tamién del so futuru na política y les sos idees sobre la independencia de Cataluña y la so rellación con España. Laporta diz que tovía nun sabe lo que va facer depués de dexar la presidencia del Barça, fairálo enantes de Selmana Santa y sabráse a lo cabero del so mandatu.

Laporta esclaria que nin ERC, nin CIU propunxéron-y nada en concretu y diz que-y prestaría más presentase con un partíu nuevu independentista, sicasí, la so entrada en política sería pa presentase como presidente. El mandatariu del barcelona camienta que d’entrar en política va sufrir más que nel terrén deportivu, pero que quier sirvir al so país.
 
Na entrevista, Laporta diz que Cataluña necesita ser independiente y qu’una vez algamáu esto, “tendremos una rellación maraviyosa con España”. El presidente del Barça tamién aprovecha pa criticar los españoles que nun acepten oyer falar de la independencia y, del mesu mou, califica como humillación que’l Tribunal Constitucional pretenda correxir l’Estatut, “una norma aprobada en referendu pol pueblu catalá”.